Historia

Conselho Nasional da Juventude de Timor Leste hanesan organizasaun ida ne’ebe trasforma An husi PREJUDIUM JUVENTUDE LORIKU ASS’WWAIN/PJLA (OJETIL, OPJELATIL,FITUN UJTL, PROKEMERDEKAAN, DEWAN SOLIDARITAS, SAGRADA FAMILIA, KOMISAUN NASIONAL JUVENTUDE, RENETIL, DPP IMPETU, ALIANSI JUVENTUDE MAUBERE, NO ORGANIZASAUN TRABALHADORES “MORIS DAME”) liu husi Kongresu Nasional Juventude ba dla uluk iha loron 1 to’o 5 de maio de 2002.

Foinsae hanesan ai rin povo no Nasaun Timor Leste nia nebe halao tiha ona sira nia dever hanesan pilares importante no estafeta prosesu luta ba libertasaun patria, liu husi dalan luta frenti Armada, frenti Klandestin no frenti Diplomatiku. Luta nebe ho aten brani lori duni ita ba to ‘o iha faze foun hodi liberta povo husi lalaok deskriminasaun hotu hanesan mukit, analfabetu no seluk-seluk. Husi objectivo ikus nebe atu liberta povo husi deskriminasaun sira ne’e, foinsae Timor Leste iha vontade maximum hodi defende no prense ba iha prosesu dezenvolviment , integridade teritorio no soberania hodi bele to’o ba meta prospioridade povo Timor Leste tomak.

Ho responsabilidade nebe bo’ot tebes, foinsae Timor-Leste ho vontade maximum atu kontinua nafatin partisipa aktivu iha prosesu luta ba libertasaun povo atu nune’e bele asigura mehi husi heroin sira nebe mate iha prosesu luta ba libertasaun nasional. Atu atinji ka kongretiza povo Timor-Leste nia mehi no martires luta ba libertasaun nasional, foinsae timor leste iha esperansa nebe bo’ot no espera nasaun ida ne’e sai nasaun ida nebe Independenti, Soberanu, Demokratiku no iha Justica ekonomio, social no iha kondisaun ida nebe foinsae hotu-hotu bele moris independent, moris harmonia, demokrasia no respeito ba direitos humano.

Conselho Nasional da Juventude de Timor Leste (CNJTL) hanesan mudansa husi organizasaun-organizasaun juvenil nian nebe husi inicio luta ba Independensia mak hanesan, PRESIDIUM JUVENTUDE LORICO ASS’WAIN (PJLA). Liu husi Kongresu Nasional Foinsae nebe realiza iha dia 1-5 de Maio de 2002 ne’e iha kontiudo balun iha deklarasaun ne’e mak hanesan; transformasaun PRESIDIUM JUVENTUDE LORIKO ASS’WAIN (PJLA), ba CONSELHO NASIONAL DA JUVENTUDE DE TIMOR LESTE (CNJTL), hanesan afirmasaun, ezistensia no legitimidade CNJTL.

Atu hatutan no halao mehi nasaun Timor Leste nomos halo preparasaun ba jerasaun foun ho sentidu hola parte iha historia no kongkretiza ba responsabilidade hirak ne’e, organizasaun de massa foinsae no estudante sira no foinsae potensial Timor Leste nebe hola parte no sai membru iha CNJTL ho vontade hamutuk atu sai motivador hodi habelar dinamika, militante no idealismo foinsae Timor Leste hodi bele to’o ba mehi ida nebe diak no sustentavel. Hatene lolos katak iha duni sentidu hola parte no kontribui ba istoria, foinsae Timor Leste mak iha nia fungsaun no toma resposabilidade ba mehi hirak ne’e.

Vizaun

Jovens Timor Leste (Feto ou Mane) ne’ebe mak demokratiku, independente, kreativu, inovativo, kompetetavu, matenek, moral no espiritual, kaer no tuba metin prinsipiu ukun rasik an.

Misaun

Promove no enkoraja ema foinsa’e tomak atu liberta nia an nia sosiedade ho prepara an partisipa iha dezemvolvimentu humanu (Juvinile) no dezemvolvimentu nasional.

Objetivo

1.      Atu asegura no garante partisipasaun joven nia iha prosesu kontrusaun estado no nasaun

2.      Implementa tulun estado no governu hodi liberta joven husi frajilidade

3.      Promove no asegura prinsipiu identidade nasional

4.      Promove no asegura talent joven (Feto no Mane) siviku no desporto

5.      Hametin relasaun parseria estado, sosiedade sivil no rede internasional

Prinsipiu

CNJTL hamrik iha prinsipiu hanesan : imparsial, Voluntarismu, transparansia, Ativismu, Sivismu e soliedaridade

Lema

“Kadalak Sulimutu fila we inan”

Parseiru Estratejiku

Ø  Estado no Governo

Ø  Konfisaun Relijioja

Ø  NGO nasional no Internasional

Ø  Akademiku

Ø  Organizasaun Politika

Media Nasional

Estrutura :